Ævintýri

Fyrsta bók Jakobínu, Sagan af Snæbjörtu Eldsdótturog Ketilríði Kotungsdóttur (1959) hefur gjarnan verið skilgreind sem ævintýri og hana er helst að finna í barnabókahillum bókasafna. Hún er samt alls engin barnasaga, heldur eins konar samsuða ævintýris, fornaldarsögu og goðsögu með beinum skírskotunum til pólitíkur og samfélags ritunartímans. Söguna má auðveldlega lesa sem táknsögu fyrir sögu Íslands, þar sem deilt er hart á erlent konungsvald en jafnvel enn harðar á hernám Breta og Bandaríkjamanna hér á landi.

snaebjorg&ketilridur

„Margir munu þeir í hinum fjórum áttum veraldar að eigi hafi getið eyríkis þess í norðurvegi, þar sem þeir atburðir urðu er saga vor mun greina frá. Mun því mörgum þykja til hlýða að vér gerðum þess nokkra grein. Þó mun þess eigi freistað hér. Ber það fyrst til að vér viljum eigi um of beina þangað augum breyskra manna, því margt er þar sem hugur manns girnist mest. Lýsir þar mold af gulli en mið af silfri og af flaumi vatns þau dýrindi er seint munu til fjár metin. En hinar aðrar ástæður munum vér eigi uppi láta að svo stöddu. Hefst þá saga vor svo sem hún hefur í minnum lifað.“ (bls. 5)

Frásagnaraðferð sögunnar er í anda miðaldasagna og ævintýra, sögumaður er alvitur, orðfærið er knappt og stíllinn hefur fornt yfirbragð. Hann talar þó öðru hverju frá eigin hjarta, og ljóst er að á bak við frásögnina stendur blóðheitur baráttumaður fyrir sjálfstæði og frelsi sem vill koma boðskap sínum áleiðis til alþýðufólks og hvetja það til dáða. Frásögnin ber vitni um að Jakobína skrifaði hana ekki bara inn í ævintýrahefð heldur íslenska sagnahefð, ekki ósvipað því sem Halldór Laxness gerir í Gerplu (1952) sem er jú skáldsaga skrifuð um gamalt efni í Íslendingasagnastíl.

Bókin er skreytt fallegum myndum eftir Barböru Árnason.

snæbjört - mynd Barböru

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s